आइतबार, साउन १७ २०८३ | Sunday 2nd August 2026 
राजनीति
काठमाडौं । जेनजी आन्दोलनको क्रममा संसद भवनबाट लुटिएका सामग्रीहरु फिर्ता गर्न संसद सचिवालयले आग्रह गरेको छ ।
सचिवालयले आज एक सूचना जारी गर्दै यही भाद्र २४ गते जेनजी आन्दोलनका क्रममा संघीय संसद भवनमा तोडफोड र आजनी गरिएको त्यसबाट लुटपाट गरी लगेका सामानहरु फिर्ता गर्न आग्रह गरिएको छ ।
“प्रिन्टर, स्क्यानर, क्यामरा, टेलिभिजन, मनिटर, माइक, मिक्चर, स्पीकर, फोटोकपी मेसिन, विद्युतीय उपकरण लगायतका सामग्रीहरु अनधिकृत व्यक्तिहरुले लिएको बुझिएको छ,” सचिवालयले आज जारी गरेको विज्ञप्तिमा उल्लेख गरिएको छ ।
यस्ता मालसामान रहेको स्थान वा व्यक्तिबारे जानकारी भएमा संघीय संसद सचिवालयलमा सूचना दिन र मालसामान लगेको भिडियो वा फोटाहरु भएमा उपलब्ध गराउन पनि सचिवालयले अनुरोध गरेको छ । संघीय संसद सचिवालयका अनुसार भिडियो/फोटो उपलब्ध गराउने व्यक्तिको परिचय गोप्य राखिनेछ ।
