बैठकमा ‘बर्थ डे’ कम्युनिस्ट संस्कृति र पहिचानकाे खिसिट्युरी हाे : नेता न्याैपाने

सत्तारूढ दल नेकपाका युवा नेता तथा युवाहरुबिच लाेकप्रिय छवि बनाएका पुर्व विद्यार्थी नेता लेखनाथ न्याैपानेले सचिवालय बैकठमा पार्टीका महासचिव बिष्णु पाैडेलकाे ‘बर्थ डे’ सेलिब्रेसन प्रति चर्काे असन्तुष्टि जनाएका छन । नेकपा सचिवालय बैठकमै महासचिव विष्णु पौडेलको जन्मदिन मनाएका थिए ।

नेता न्याैपानेले सिंगो कम्युनिस्ट संस्कृतिमाथि र पहिचानकाे खिल्ली उडेकाे भन्दै सामाजिक सन्जाल फेसबुकमा लेदेका छन्
‘यस्ता बिषय ब्यक्तिगत हुनै सक्दैन, अझ राजकीय जिम्मामा रहेका नामकै सही कम्युनिस्ट पार्टीका शीर्ष नेता (कोर अफ द लिडर) हरूको बिचमा ।

यस्तै उनले अगाडि लेखेका छन् ‘यो कम्युनिस्ट संस्कृतिसँग जोडिएको गम्भीर बिषय हो, जुन तस्बीरहरूले कम्युनिस्ट संस्कृति र पहिचानमाथि खिसिट्युरी गरेको छ’ ।

प्रधानमन्त्रीको सरकारी निवास बालुवाटारमा सचिवालय बैठक सुरु हुनुअघि पौडेलको जन्मदिन केक काटेर बर्थ डे सेलिब्रेसन भएको थियाे ।

प्रधानमन्त्रीका प्रेस सल्लाहकार सूर्य थापाका अनुसार बैठकको सुरुमै केक काटेर महासचिव पौडेललाई अध्यक्ष एवम् प्रधानमन्त्री केपी ओली र कार्यकारी अध्यक्ष पुष्पकमल दाहाल ‘प्रचण्ड’ लगायत सचिवालय सदस्यले शुभकामना दिए ।

बैठकमा सहभागी अध्यक्षद्वय ओली, प्रचण्डसहितका नेताले केक खुवाएर जन्मदिनको शुभकामना दिएका हुन् ।

हेर्नुस् स्टाटस

यस्ता बिषय ब्यक्तिगत हुनै सक्दैन, अझ राजकीय जिम्मामा रहेका नामकै सही कम्युनिस्ट पार्टीका शीर्ष नेता (कोर अफ द लिडर) हरूको बिचमा । यो कम्युनिस्ट संस्कृतिसँग जोडिएको गम्भीर बिषय हो, जुन तस्बीरहरूले कम्युनिस्ट संस्कृति र पहिचानमाथि खिसिट्युरी गरेको छ ।