सोमबार, साउन १८ २०८३ | Monday 3rd August 2026 
राजनीति
वर्तमान सरकारको नेतृत्वकर्ता दल नेकपाका भित्रका भातृ संगठन मध्य चारको नेतृत्वको भागबन्डामा सहमति जुटेको छ । कुल २४ वटा जनवर्गीय संगठनमध्ये प्रमुख चारवटा संगठनको भागबन्डा मिलेको हो ।
खास गरी युवा, विद्यार्थी, महिला र मजदुरको भागबन्डा मिलेको नेकपाका नेताहरुले बताएका छन् । चारवटा संगठनमध्ये पूर्वमाओवादीको भागमा युवा परेको नेकपा स्रोतले बतायो । महिला, विद्यार्थी र मजदुर संगठन पूर्वएमाले आफ्नो भागमा राखेको छ ।
स्थायी सरकार मानिने कर्मचारी संगठन पूर्वएमालेको भागमा परेको छ । पेसागत संगठन र प्रवास कमिटी पूर्वमाओवादीको भागमा परेको छ ।
सत्तारुरुढ दल नेकपा सचिवालयले नेताहरुको कार्यविभाजन पोलिटब्युराे सदस्यको नामावली र जनवर्गीय संगठनको भागबन्डासमेत टुंगो लगाएको छ । नेकपाले सबै जनवर्गीय संगठनको एकताको घोषणा आगामी ३ जेठमा गर्ने जनाएको छ ।
एमाले र माओवादी केन्द्रकि पार्टी एकता पनि गत वर्ष ३ जेठमा घोषणा भएको थियो । ३ जेठ २०५१ मा तत्कालीन एमाले महासचिव मदन भण्डारीको चितवनको दासढुंगामा रहस्यमय हत्या भएको थियो ।
पूर्वएमालेले हरेक वर्ष ३ जेठमा मदन भण्डारी स्मृति दिवस मनाउँदै आएको थियो । अहिले पार्टी एकतापछि नेकपाले पनि मनाउनेछ । उक्त दिन जनवर्गीय संगठनको एकता घोषणा हुने बताइएको छ ।
