पोखरा विश्वविधालयमा नेवि संघले लगाएको ताला अझै खुलेन

पोखरा– स्ववियुमा विधानविपरीत बसेका पदाधिकारीलाई प्रशासनले नहटाएको भन्दै पोखरा विश्वविद्यालयको केन्द्रीय कार्यालयमा नेपाल विद्यार्थी संघले पुस २३ देखि गरेको तालाबन्दी अझै खुलेको छैन । प्रशासनिक कामकाज तालाबन्दी हुँदा दुई सातादेखि ठप्प छ ।

नेपाल विद्यार्थी संघले पोखराको ढुंगेपाटनस्थित विश्वविद्यालय केन्द्रीय कार्यालयमा तालाबन्दी गरेको हो। नेविसंघले उपकुलपति चिरञ्जीवी शर्मा, रजिस्ट्रार गोविन्द शर्मा, कन्ट्रोलर भरतराज ढुंगाना र चार संकायका निर्देशकको कार्यकक्षमा तालाबन्दी गरेको छ ।

उनीहरूले प्रयोग गर्ने सवारीसाधनको चाबी उनीहरूकै कार्यकक्षमा थुनिएको छ । सेवा आयोगको कार्यालय, परीक्षा नियन्त्रण कार्यालय, लेखा र प्रशासन कार्यालयमा समेत तालाबन्दी हुँदा सम्पूर्ण कामकाज ठप्प छन्। पढाइ भने सञ्चालनमै छ । सैद्धान्तिक परीक्षा सकिएपछि स्ववियुबाट विधानतः पदमुक्त हुनुपर्ने नेविसंघको माग छ ।

छोराको स्मृतिमा बागलुङ जिल्लाको एक परिवारले सार्वजनिक धारो र गोरेटो बाटो निर्माण

गलकोट-  दुर्घटनामा परी निधन भएका छोराको स्मृतिमा बागलुङ जिल्लाको एक परिवारले सार्वजनिक धारो र गोरेटो बाटो निर्माण गरिदिएका छन् । बागलुङ नगरपालिका–३ खहरे निवासी बुवा दुर्गाबहादुर खत्री र आमा गौराकुमारी खत्रीसहित उहाँको परिवारले स्व छोरा हिराबहादुर खत्रीको स्मृतिमा गाउँमा उक्त कार्य गरेका हुन् ।

विसं २०३९ चैतमा जन्मिएका हिराबहादुर खत्रीको १६ वर्षकोे उमेरमा २०५५ जेठ १७ गते दुर्घटनामा परी निधन भएको थियो । स्व खत्रीका भाइ भीमबहादुर खत्री, बुहारी सावित्री खत्री, भतिज भोजराज खत्री, बहिनी धनमाया खड्का र भीमा खत्रीसहितले रु ९७ हजार ७५१ खर्च गरेर धारा र बाटो बनाएका हुन् । खहरेका करीब २० परिवारले खानेपानी र सरसफाइका लागि प्रयोग गर्ने उक्त धारो निर्माणका लागि स्थानीय हिराबहादुर कार्की र उजेली कार्कीको परिवारले निःशुल्क जग्गा उपलब्ध गराएको थियो । उक्त धारो र गोरेटो बाटोको सङ्घीय सांसद मनकुमारी केसीले शुक्रबार उद्घाटन गर्नुभयो