‘प्रकाण्ड’ एक्लिएकाे खबर भ्रम हो,प्रवक्ता उहाँ नै – नेकपा

काठमाडौं- नेत्र विक्रम चन्द नेतृत्वको ‘विप्लव’ पार्टीका प्रवक्ता खड्कबहादुर विश्वकर्मा ‘प्रकाण्ड’ नै यथावत रहेको स्रोतले जनाएको छ । विभिन्न सञ्चारमाध्यममा ‘प्रकाण्ड’ एक्लिएकाे खबर सार्वजनिक भएपछि ‘विप्लव’पार्टीका एक नेताले प्रवक्ता उहाँ नै भएको स्पष्ट पारेका छन् ।

केही दिनयता रिहाईका क्रममा सरकारसँग गोप्य सम्झौता भएको आशंकामा ‘प्रकाण्ड’माथि नेत्रविक्रम चन्दले भरोसा नगरेका समाचार सार्वजनिक भएका थिए ।

विप्लव नेकपालाई सके फकाउने नसके तर्साउने नीतिमा सरकार

सरकारले नेत्रविक्रम चन्द (विप्लव) नेतृत्वको नेपाल कम्युनिस्ट पार्टी (नेकपा)प्रति दोहोरो रणनीति अख्तियार गरेको छ । उसलाई सके फकाएर नसके तर्र्साएर काबुमा ल्याउने रणनीतिमा सरकार जुटेको छ ।

सरकारले फागुन २८ गते विप्लव समूहलाएै प्रतिबन्ध लगाइसकेको छ । विप्लव नेकपालाइ अपराधिक तथा विध्वंसकारी परिभाषित गरेको सरकारले राजनीतिको मूलधारमा ल्याउन कारबाही प्रक्रिया पनि अघि बढाउने र वार्ता पनि चलाउने रणनीति बनाएको छ ।

सरकारले भदौमा असन्तुष्ट पक्षसँग वार्ता गर्न बनाएको टोलीका संयोजक र सदस्यहरुले भित्रभित्रै विप्लवसँग संवाद अघि बढाउने कोसिस गरिरहेका छन् । तत्कालीन वार्ता टोलीका संयोजक सोमप्रसाद पाण्डे विप्लव नेकपाका केही नेतासँग सम्पर्कमै रहेको स्रोतले जनाएको छ । याे समाचार टपेन्द्र कार्कीले नागरिकमा लेखेका छन् ।