पोखरामा फेरी पाराग्लाइडिङ दुर्घटना: चिनिया नागरिक घाइते

पोखरा- पोखरामा पुन फेरी प्याराग्लाइडिङ दुर्घटना भएको छ। दुर्घटना हुदा एक विदेशी पर्यटक घाइते भएकी छन्। टेण्डम फ्लाइटको क्रममा महेन्द्र नेपालीले उडान गरेको प्याराग्लाइडिङ रुखमा अड्कन पुग्दा चाइनिज नागरिक करिब ४० बर्षीया ताङ फुरोङ (टण्ग् फुरोण्ग् ) घाइते भएको कास्की प्रहरीले जनाएको छ ।

पोखरा महानगरपालिका १८ स्थित सराङ्कोट गोठादि क्षेत्रमा हिमालयन फ्रन्टीएर कम्पनिका टेण्डम पाइलट नेपालीले उडान गरेको प्याराग्लाइडिङ रुखमा अड्कन पुग्दा रुखका हागाले कोतारेर विदेशी पर्यटक घाइते हुन पुगेकी हुन्। पाइलट सहित विदेशी नागरिकको स्थानिय र प्रहरीले उद्धार गरेको हवाई खेलकुद संस्था ना का प्रमुख कार्यकारी अधिकृत कृष्ण भण्डारीले पोखरा न्युजलाई बताए । पोखराको मेट्रोसिटी अस्पताल उनको उपचार पश्चात हाल डिस्चार्ज भएको बताइन्छ ।

विहिबार करिब ११ः४५ बजे आकासमा सानो भुमरीमा पर्दा पाइलट महेन्द्र नेपालीले सुरक्षित अवतरणको लागि रुखमा लगेर फोर्स ल्यान्डिङ गरेको नेपाल प्याराग्लाइडिङ ह्याण्ड ग्लाइडिङ संघका महासचिव शैलेन्द्र रावतले बताए । ग्लाइडर कोल्याप्स हुदा समयमै सुरक्षित उडान हुन नसके कुनै भिर पाखा वा जमिनमा बजारीन सक्ने उच्च जोखिम हुने उनले बताए ।