बिहिबार, कार्तिक २० २०८३ | Thursday 5th November 2026 
राजनीति
पोखरा- स्थानीय तहमा खटिएका कर्मचारी कानुन र प्रक्रियाप्रति कति गैरजिम्मेवार हुन्छन् भन्ने उदाहरण कास्कीको माछापुच्छ्रे गाउँपालिकामा देखिएको छ ।
प्राप्त माछापुच्छ्रे गाउँपालिकाको मिति २०७५ चैत १० गतेको एउटा सूचनामा जिल्लाको नाम र प्रयोग गरिएको कानुनको नामसमेत गलत देखिएको छ । सूचनामा गाउँपालिकाका कार्यकारी अधिकृत र योजना तथा प्राविधिक शाखाका तर्फबाट दर्जा नखुलाई र नाम नबुझिने गरी हस्ताक्षर गरिएको छ ।
घर निर्माण गर्दा नक्सा पास गर्ने प्रयोजनका लागि सँधियारहरूका लागि प्रकाशित सूचनामा पेटबोलीमा भने ‘‘पर्वत जिल्ला माछापुच्छ्रे गाउँपालिका वडा नम्बर २’’ लेखिएको छ । यसैगरी खारेज भइसकेको ‘स्थानीय स्वायत्त शासन ऐन, २०५५’ को ‘‘प्रयोजनका लागि’’ भन्ने पनि सूचनामा उल्लेख गरिएको छ ।बाह्रखरीबाट साभार
