यसरी ठोक्कियो जहाज दुई हेलिकप्टर सङ्ग,यी हुन मृतक र घाइते(फोटो )

सोलुखुम्बु- समीट एयरको जहाज लुक्ला विमानस्थलमा दुर्घटनामा परेको छ । जहाजमा चालकदलबाहेक यात्रु भने थिएनन्। समीट एयरको ९ एन एमएच कलसाइनको विमान लुक्काबाट रामेछापका लागि उड्ने क्रममा दुर्घटनामा परेको हो ।

उड्ने क्रममा धावनमार्गबाट चिप्लिएर मनाङ र श्री एयरलाइन्सको हेलिकोप्टरमा ठोक्किएर दुर्घटनामा परेको त्रिभुवन अन्तर्राष्ट्रिय विमानस्थलका प्रवक्ता प्रतापबाबु तिवारीले जानकारी दिएका छन् ।दुर्घटनामा परी समीट एयरका को-पाइलट एस ढुंगाना र प्रहरी असई रामबहादुर खड्काको मृत्यु भएको प्रवक्ता तिवारीले पुष्टि गरेका छन् । दुर्घटनामा उक्त जहाजका क्याप्टेन रवीन्द्र रोकाया र एयर हाेस्टेज रश्मी लामा घाइते छन्। क्याप्टेन रोकायालाई उपचारका लागि काठमाडौं ल्याइएको छ। लामाकाे अवस्था सामान्य छ। विमानको ठक्करबाट मनाङ एयर र श्री एयर हेलिकोप्टरमा क्षति पुगेको छ ।

विमानको ठक्करबाट मनाङ एयरको हेलिकोप्टरका क्रु मेम्बर घाइते भएको र उनीहरुलाई उपचारका लागि काठमाडौं ल्याइँदै गरेको जानकारी प्राप्त भएको छ ।दुर्घटनाका क्रममा धावनमार्गमा रहेका एकप्रहरी समेत घाइते भएका छन्।दुर्घटनाबाट हेलिकप्टरमा समेत क्षति पुगेकाे छ।

मृतककाे शव साढे ११ बजे काठमाडाैं ल्याउने तयारी भइरहेकाे छ ।