प्रधानमन्त्री तानाशाह बन्न खाेजे प्रत्युत्पादक हुन्छ : सभापति देउवा

प्रमुख विपक्षी दल नेपाली कांग्रेसले संविधानप्रति प्रधानमन्त्रीको प्रतिवद्धतामाथि प्रश्न उठाएको छ । संबिधानले सुरक्षित गरेका प्राबधानहरुमाथी ओली सरकारले निमाेठदै गएको भन्दै आपत्ति जनाएको छ ।उनले सेना परिचालन मा प्रधानमन्त्रीले एकाधिकार गर्न खाेजे त्याे प्रत्युत्पादक हुने चेतावनी दिए ।

सत्ताधारी दलका सासंदहरु र प्रतिपक्षी दलका सांसदहरूबिच एक खाले दाेहाेरी नै चल्याे । आज बजेट अधिवेशनको पहिलो दिन सोमबार संसदलाई सम्बोधन गर्दै विपक्षी दलका दलका नेता शेरबहादुर देउवाले सरकार संविधानले स्थापित गरेको संघीय, लोकतान्त्रिक, गणतन्त्र र समावेशिताका संरचनालाई भत्काउने दिशा उद्यत भएको आरोप लगाए ।

सेना परिचालनको निर्णय संवैधानिक परिषदबाट खोसेर प्रधानमन्त्रीमा ल्याउन खोजेको भन्दै उनले यो प्रत्युपादक हुने बताए । ‘सबै तहका राज्य संरचनाको अधिकार आफूमा केन्द्रीत गरेर चाडै विकास गर्न सक्छु भन्ने भ्रमबाट मुक्त हुन प्रधानमन्त्रीलाई आग्रह गर्दछु ।’

न्याय, समृद्धि र विकासका लागि लोकतान्त्रिक व्यवस्थाको विकल्प नभएको भन्दै देउवाले भने, प्रधानमन्त्री संविधानप्रतिको तपाईको प्रतिबद्धता विगतको इतिहास देखाएर होइन, वर्तमानको कामबाट प्रमाणित गर्नुस् । मेरो तपाईलाई यही शुभकामना छ ।’