विप्लव नेपालमा नभएको नियोजित प्रचार, स्थायी समितिको बैठक ग्रामीण ईलाकामा सम्पन्न

केहि दिन अगाडी मात्र नेत्र बिक्रम चन्द विप्लव नेपालमा नै नरहेको भन्ने अनलाइन मिडियाको समाचारलाइ हावा खुवाउदै प्रतिबन्धित नेकपाको स्थायी समितिको बैठक सम्पन्न भएको नेकपा स्रोतको दावी छ । प्रहरी स्रोतको हवाला दिदै  विप्लव नेपालमा नरहेको यदि भएको भए गिरफ्तार परिसक्थे भन्ने आसयका समाचारहरु आएका थिए । जुन समाचार आएको केहि केहि दिन अगाडी मात्र प्रतिबन्धित नेकपाको स्थायी समितिको बैठक मुलुकको एक अज्ञात ग्रामीण इलाकामा सम्पन्न भएको नेकपा स्रोतको दावी रहेको छ  । स्रोतका अनुसार आफ्नो पार्टीका महासचिव विप्लव मुलकमा नभएको हल्ला नियोजित सरकारी प्रचार गरे भन्दै भर्खरै मात्र ग्रामीण इलाकामा स्थायी समितिको लामो बैठक बसेको जनाएको छ ।

ओली सरकारले गत फागुन २८ गते सो पार्टी माथी प्रतिबन्ध लागाएपछि पहिलो पटक स्थायी कमिटी बैठक बसेको जनाइएको छ ।

बैठकले सरकारले लगाएको प्रतिबन्धपछि पार्टीको अवस्था, तीन महिने संगठन सुदृढ तथा बिस्तार अभियान २ लगायत समसामयिक बिषयमा समिक्षा गरेको बुझिएको छ । स्थायी सदस्य तथा मध्यकमाण्डका इन्चार्ज हेमन्तप्रकाश वली ‘सुदर्शन’को गिरफ्तारी पछि बसेको उक्त बैठकमा केही सांगठनिक हेरफेर गरेको जनाइएको छ ।

आगामी दिन प्रतिबन्धको प्रतिवाद कसरी गर्ने ? भन्ने बिषयमा गंभिरतापूर्वक छलफल गरिएको छ । एक नेताले भने अब पनि प्रतिबन्धको सबै हिसावले आफ्नो पार्टीले प्रतिबाद गर्ने बताए । उनले प्रतिबादको तरिका राज्यको शैलिमा भर पर्ने भन्दै आफूहरु सम्पुर्ण हिसावले सक्षम रहेको दावी गरे ।

बैसाखको दोश्रो साता बसेको बैठकले राजनीतिक कार्यक्रमको लागि नयाँ नारा पनि दिइएको छ । सो पार्टीले सरकारी प्रतिबन्धको प्रतिवाद लक्षित कार्यक्रमहरुको घोषणा गर्ने संकेत गरेको छ ।

यस्ता छन नयाँ नाराहरु

१. नेकपामाथिको प्रतिबन्ध खारेज गर, फासीवादी दमन बन्द गर ।
२. जनताको राजनैतिक अधिकारको रक्षा गरौं, फासीवादी दमनको प्रतिरोध गरौं ।
३. देशभक्त, लोकतान्त्रिक र वामपन्थी शक्तिहरु एकजुट होऔं, केपी सरकारको दमनको प्रतिरोध गरौं ।
४. सामाजिक दलाल सरकार – मुर्दावाद, नेकपा जिन्दावाद ।
५. शान्ति, समृद्धि, स्वाधीनता र समानताकाा लागि वैज्ञानिक समाजवाद, दलाल ससंदीय व्यवस्थाको विकल्प वैज्ञानिक समाजवाद ।
६. झुठा मुद्दा खारेज गर, कमरेड सुदर्शन लगायत नेता कार्यकर्ताहरुलाई निसर्त रिहा गर ।