आज विवाहको मिति घोषणा गर्दै सलमान खान ! को हो दुलही ?

५३ वर्षका सलमान खान अहिले पनि अविवाहित छन् । उनले विवाहबारे पटकपटक आफ्नो धारणा व्यक्त गर्ने गर्छन् । हालै मुम्बई मिररसँगको एक अन्तरवार्तामा सलमानले ठट्यौली पारामा पुनः विवाहको कुरा गरेका छन् ।

वास्तवमा सलमानलाई जब उनको विवाहको योजनाबारे प्रश्न सोधियो तब उनले विवाहको मिति २३ मेमा घोषणा गर्नुपर्ने बताएका थिए । सलमान त्यसपछि आफ्नै ठट्टामा हाँस्न थाले । स्मरण रहोस्, २३ मे अर्थात् आज लोकसभाको चुनावको नतिजा आउँदैछ ।

यस्तै, केही दिनअघि सलमानले आफू पिता बन्ने विषयमा धारणा राखेका थिए । उनले भनेका थिए, ‘मलाई बच्चा चाहिन्छ तर बच्चासँग आमा पनि आउँछन् । मलाई आमा चाहिँदैन तर बच्चालाई आमा चाहिन्छ । तर मसँग धेरै मानिसहरु छन् जसले उनको हेरविचार गर्न सक्छन् ।’

यसै अन्तरवार्तामा सलमानले विवाहबारे कुनै सोच नभएको स्पष्ट पारेका छन् । यद्यपी, उनी सरोगेसीमार्फत् बच्चा चाहन्छन् ।