बुद्ध एयरमार्फत काठमाडौँ आउने क्रममा सूचना मन्त्रीलाई हृदयाघात भएपछी

पोखरा- हवाइ यात्रा गरिहँदा पूर्वमन्त्री तप्तबहादुर विष्टलाई आकाशमै हृदयाघात भएको छ।

आइतबार दिउँसो बुद्ध एयरको युफाेर ४०४ उडानमार्फत नेपालगञ्जदेखि काठमाडौँ आउने क्रममा पूर्व सूचना तथा सञ्चार राज्यमन्त्री रहेका विष्ट हृदयाघात भएको हो। जहाज उडिरहँदा हृदयाघात भएपछि बुद्ध एयरको सो उडान भैरहवा विमानस्थलमा आकस्मिक अवतरण गरिएको थियो।

अपरान्ह ३:४५ बजे मन्त्री विष्टलाई आकस्मिक अवतरण गराए लगत्तै अन्य यात्रु लिएर जहाज काठमाडौंका लागि उडेको थियो।

विष्टको भैरहवास्थित युनिभर्सल कलेज अफ मेडिकल साइन्स अस्पतालमा उपचार भइरहेको छ। स्वास्थ्य जाँचपछि अवस्था सुधारउन्मुख रहेको रूपन्देहीका प्रहरी प्रमुख एसपी हृदय थापाले जानकारी दिए।

चिकित्सकहरूले स्वास्थ्य जाँचपछि उनलाई पहिला गरेकाे अप्रेशनकाे साइड इफेक्ट देखिएकाे प्रतिवेदन दिएका छन्।

दोस्रो संविधानसभाको निर्वाचनमा सुर्खेत क्षेत्र नम्बर ३ बाट विजयी विष्ट शेरबहादुर देउवा नेतृत्वको पछिल्लो सरकारमा सञ्चार राज्यमन्त्री बनेका थिए। २०७४ को निर्वाचनमा सुर्खेत २ प्रदेश ‘ख’ बाट कांग्रेस उम्मदेवार रहेका उनी तत्कालीन माओवादीका विन्दमान विष्टसँग पराजित भएका थिए।