सोमबार, साउन १८ २०८३ | Monday 3rd August 2026 
राजनीति
पोखरा- गण्डकी प्रदेशको मुख्य जातीको रुपमा रहेको गुरुङ सस्कार झल्किने गरी प्रदेश स्तरीय संग्रहालयमा तमु (गुरुङ) ग्यालरी सर्वसाधारणका लागि खुल्ला गरिएको छ । गण्डकी प्रदेश सरकार सामाजिक बिकासमन्त्री माननीय नरदेवी पुनको एक कार्यक्रम बीच उद्घाटन गरि सर्वसाधारणका लागि खुल्ला गरिएको हो । उक्त संग्रहालय गण्डकी प्रदेश सरकार, सामाजिक बिकास मन्त्रालयको मातहतमा रहेको छ।
पोखराको नयाँबजार स्थित रहेको साबिकको क्षेत्रीय संग्रहालय (मुसेउम्) भित्र तमु (गुरुङ) जातिको पहिचान झल्किने तमु खेगीहरु पच्यु, क्ल्हेप्री र बोन्पोलमको मुर्तरुप र परम्परागत हातहतियारहरु, नापतौलका सामानहरु र बजाउने बाजागाजा आदि सामानहरुलाई व्यवस्थित संग्रह गरिएको छ ।
उद्घाटन कार्यक्रम संग्रहालयका प्रमुख करुणा राईको सभापतित्वमा र गण्डकी प्रदेश सरकारको सामाजिक बिकासमन्त्री माननीय नरदेवी पुनको प्रमुख आतिथ्यतामा सम्पन्न भएको थियो ।
तस्विर महेन्द्र तमु
डिभिजन सडक कार्यालय पोखराका कार्यालय प्रमुख ९ लाख घुस सहित पक्राउ
पोखरा- अख्तियार टोलीले डिभिजन सडक कार्यालय पोखराका कार्यालय प्रमुखलाई घुस सहित पक्राउ गरेका छन् । कार्यालयका प्रमुख तथा इन्जिनियरलाई पक्राउ गरेको अख्तियार टोलीले साँझ प्रुष्टी गरेको हो ।
साँझ उनीहरुलाई कार्यालय प्रमुख हरिकुमार पोखरेलकै निवासबाट ९ लाख रुपैयाँसहित पक्राउ गरिएको हो । कार्यालय प्रमुखसहित पवित्रमणि पौडेललाई पनि पक्राउपरेका छन ।
बिन्ध्यवासिनी हरिचोक बाटो निमार्णको ठेक्का पाएको जिएमआर कम्पनिका ठेकेदार ऋषि आचार्य र इन्जिनियर पबित्रमणि आचार्य पैसा बोकेर प्रमुख हरिप्रसादको निवासमा जाने क्रममा अख्तियारको टोलीले उनीहरुलाई पक्राउ गरेको हो । ऋषि आचार्यले झोलामा लगेको पैसा कार्यालय प्रमुख पोखरेलका भान्छेलाई दिन लागेको बेला उनीहरु पक्राउ परेका हुन् । बाटोको ठेक्का दिँदा कार्यालय प्रमुखसहित आर्थिक प्रलोभनमा परी रकम लेनदेन भएको अख्तियारको प्रारम्भीक अनुसन्धानबाट खुलेको छ ।
नियम विपरित यात्रु बोक्ने पोखराका निजी बिधालयका स्कुल बस ट्राफिक प्रहरीको फन्दामा
पोखरा- कास्कीका निजी बिधालयका स्कुल बस नियम विपरित सञ्चालित भएको भन्दै ५ वटा बस अहिले ट्राफिक कार्यालय कास्कीको हिरासतमा परेका छन। जिल्ला प्रझरी कार्यालय कास्कीका प्रवक्ता सई जितसंग कार्कीले बस सञ्चालन निर्देशिका विपरित सञ्चालन भएका नीजि विद्यालयका विद्यार्थी बोक्न प्रयोग भएका बसलाई नियन्त्रणमा लिइएको बताए ।
जुनियर सिटिजन्स एकेडेमीको ‘ना ८ ख, ३६०४’, मेट्रोपोलिटन एकेडेमीको ‘ग १ ख, २७६१’, एल।ए। सेकेन्डरी स्कुलको ‘ग १ ख, २४८८’ र होलि एन्जल सेकेन्डरी स्कुलको ‘ध १ ख, २४६’ नम्बरको बस कालो नम्बरप्लेटवाला हुन् । अर्थात्, सार्वजनिक सवारी । जसले यात्रु बोक्छन् । पिस जोन एकेडेमीको ‘ग १ क, ६४२’ नम्बरको बस मात्रै निजी हो । यो पक्राउ परेको चाहिँ सवारी कर नतिरेर हो ।
नियन्त्रणमा लिइएका बसलाई थप कारबाही गर्ने अधिकार ट्राफिक प्रहरीलाई छैन । २ हजार भन्दा बढी जरिवानाका लागि यातायात कार्यालय नै पठाईन्छ । त्यहाँ ५ हजार वा सो भन्दा बढी जरिवाना गर्ने तयारी गरिएको छ ।
पोखराको लेकसाइडमा युवाहरु बीच झडप,धारिलो हतियार प्रहार गर्दा अधिकारी गम्भिर घाईते
पोखरा -पोखराका्े लेकसाइडमा युवाहरु बीच झडप हुदाँ एक युवा गम्भिर घाइते भएका छन। तीन जना युवाको समूहले अर्का युवकलाई धारिलो हतियार प्रहार गर्दा १९ वर्षीय राजन अधिकारी गम्भिर घाईते भएका हुन ।
पोखरा १७ बिरौटा बस्ने २२ वषीृय बिबेक थापा, बिन्ना भन्ने बिजय गुरुङ सहितको ३ जनाको समूहले पोखरा १७ छोरेपाटन घर भई हाल पोखराकै रानीपौवामा डेरा गरी बस्ने १९ वर्षीय राजन अधिकारीलाई धारीलो हतियार प्रहार गरेको जिल्ला प्रहरी कास्कीले जानकारी गराएका छन ।
हतियार प्रहार गरी घाईते भइका अधिकारीलाई उपचारको लागि मेट्रो सिटी अस्पताल पोखरा लगिएको प्रहरीले जनाएको छ । उक्त स्थानमा तत्कालै प्रहरी टोली खटिई उक्त घटनामा संलग्न विवेक थापालाई नियन्त्रणमा लिई घटनामा संलग्न अन्य व्यक्तिहरुको खोजिकार्य साथै घटनाको विषयमा थप अनुसन्धान भईरहेको कास्की प्रहरीले जनाएको छ ।
