आइतबार, साउन १७ २०८३ | Sunday 2nd August 2026 
राजनीति
सर्वोच्च अदालतले प्रतिनिधिसभाको सभामुख चयन हुन लागेका व्यक्ती अग्नी सापकोटा विरुद्ध रिट दायर गरिएकाे मुद्धामा नेपाल सरकार सहित मन्त्री परिषद्लाई विपक्षी बनाईएको छ । अदालतले पेशी तारिखमा १२ गते हाजिर हुन भनेको छ ।
वरिष्ठ अधिवक्ता दिनेश त्रिपाठीले दायर गरेको रिटको पेशी तोक्दै सर्वोच्च अदालतले सापकोटासहित विपक्षी बनाइएका व्यक्ति तथा निकाय र रिट निवेदकलाई समेत तारेखका लागि हाजिर हुन भनिएकाे छ ।
वरिष्ठ अधिवक्ता त्रिपाठीले शुक्रबार सर्वोच्च अदालतमा रिट दायर गर्दै द्वन्द्वकालीन घटनामा कर्तब्य ज्यानको मुद्दा खेपिरहेका व्यक्ति (सापकोटा) लाई सभामुख चयन नगर्न आदेश माग गरेका छन् । सापकोटालाई न्यायलयमा उपस्थित गराउने आदेश जारी गर्न पनि त्रिपाठीले मागदाबी रहेको बुझिएको छ ।
वरिष्ठ अधिवक्ता त्रिपाठीले प्रधानमन्त्री तथा मन्त्रिपरिषदको कार्यालय, संघीय संसद सचिवालय, सिन्धुपाल्चोक क्षेत्र नम्बर १ बाट प्रतिनिधसभा सदस्यमा निर्वाचित अग्नि सापकोटा, प्रतिनिधिसभाका ज्येष्ठ सदस्य महन्थ ठाकुर, गृह मन्त्रालय, प्रहरी प्रधान कार्यालय, जिल्ला प्रहरी कार्यालय काभ्रे र जिल्ला प्रहरी कार्यालय सिन्धुपाल्चोकलाई विपक्षी बनाएर रिट दायर गरेका छन् ।
