बुधबार, कार्तिक २६ २०८३ | Wednesday 11th November 2026 
राजनीति
सत्तारूढ दल नेपाल कम्युनिस्ट पार्टीको युवा संगठन युवा संघका संयोजक तथा नेकपाका केन्द्रीय सदस्य रामप्रसाद सापकोटा (दिप शीखा) लाई नेपाल टेलिभिजनले अन्तवार्ताका लागि बोलाएर त्यत्तिकै फकाईएको छ ।
मुलुकको सरकारी टेलिभिजन एनटिभी न्युजमा आज साढे १२ बजेका लागि अन्तरवार्ता लिनका लागि बोलाइएका उनलाई १ बजे सम्म तय भएको समयमा बत्ति बनाउन जान्ने मान्छे नभएका कारण अन्तरवार्ताको समय त्यत्तिकै सकिएका कारण आफू फर्कन परेको सापकोटाले सामाजिक संजाल फेसबुकमा लेखेका छन् ।
‘क्या गज्जबको सरकारी निकाय, यसरी त बन्दैन हो देश ?’ भन्दै सामाजिक संजालमा लेखेका सापकोटाले भनेका छन् ‘सरकारी टेलिभिजन NTV News मा आज १२ :३० बाट १ :०० बजेसमम्मका लागी तय भएको कार्यक्रम स्टुडियोमा बत्ति बाल्न जान्ने मान्छे नभएर फर्किन पर्यो । कर्मचारि साथिहरूले जान्ने कर्मचारी खोजेर फोनबाट सिक्दासिक्दै जम्मा समय ९ मिनेटको बॉकि रह्यो १ अन्तरवार्ता नदिईकन म फर्किए !’
यसै विषयमा एनटिभीका प्रशासन प्रमुखले बत्तिकै कारणले समस्या भएका बताए । ‘ समय थप गरेर अन्तरवार्ता लिन खोजेका थियौं उहाँ फर्किनु भयो ।’ महर्जनले भने ।
