क्रान्तिकारीमा ३० वर्षे हदबन्दी ,४२ जना नेता बिदा गरेर नया समिति

नेत्र बिक्रम चन्द विप्लवको नेतृत्वमा रहेको नेपाल कम्युनिस्ट पार्टीको भातृ संगठन अनेरास्ववियु (क्रान्तिकारी)काे केन्द्रीय कमिटीमा ३० वर्षे उमेर हदबन्दी लगाएको छ ।

अब अखिल क्रान्तिकारीको कमिटीमा रहनको लागी विद्यार्थीको उमेरको हदबन्दी ३० वर्ष तोकिएको राष्ट्रिय सम्मेलनको डकुमेन्टमा उल्लेख भएको बुझिएको छ । राष्ट्रिय सम्मेलनको हलमा उमेर हदको पक्षमा अत्यन्तै झिनो मत भए पनि माउ पार्टीको निर्देशनमा उक्क्त कुरा कार्यान्वयन गरिएको राष्ट्रिय सम्मेलनमा सहभागी प्रतिनिधीले बताए ।

राष्ट्रिय सम्मेलन आयोजक समिती ७३ जनाको रहेको थियो भने एकैपटक ४२ जना अर्थात बहुमत केन्द्रीय सदस्यलाइ हटाएर नयाँ समिती बनाएको बुझिएकोछ । बहुमत केन्द्रिय सद्स्यलाइ बिदा गरि ४२ औं स्थान भन्दा पछाडी रहेकाहरु मध्य बाट पदाधिकारी बनाएको स्रोतले जानकारी दिएको छ ।

नितिगत रुपमा ३० वर्षे हद लगाइ ५९ सदस्यीय केन्द्रिय समिती  चिरञ्जीवी ढकालको नेतृत्वमा निर्माण भएको जनाइएको छ । उमेर हद लगाएर केही दिन मात्र बाकी रहेका बाट नया समिती बनाइएको भएता पनि दर्जन भन्दा बढी उमेर नाघिसकेका पनि केन्द्रिय समितिमा परेको गुनासो समेत बाहिरिन पुगेकोछ ।