आइतबार, साउन १७ २०८३ | Sunday 2nd August 2026 
न्यूयोर्कका गभर्नर एन्ड्रू क्योमोले क्वारेन्टिनको प्रस्तावमा राष्ट्रपति डोनल्ड ट्रम्पसँग सहमती जनाएका छन् । साथै उनले आफू लकडाउनको विचारमाथि समर्थन गर्न नसक्ने पनि स्पष्ट पारेका छन् ।
सीएनएनसँगको कुराकानीमा गभर्नर क्योमोले भने, ‘न्यूयोर्क त पहिलेदेखि नै लगभग क्वारेन्टिनमा छ । यहाँ कुनै कार्यक्रम भइरहेका छैनन् । मानिसहरुमा भीडमा जम्मा भइरहेका छैनन् । यदि मानिसहरुलाई घरबाट बाहिर निस्कन दिए त्यो लकडाउन हुनेछ । त्यसपछि हामी चीनको ऊहानजस्तै हुनेछौं जसको कुनै अर्थ छैन ।’
क्योमोले लकडाउनको विचारलाई ‘अमेरिकी विरोधी’ र ‘अर्थव्यवस्थाका लागि खतरा’ बताएका छन् । उनका अनुसार लकडाउन लागू गर्नु ‘युद्धको घोषणा’ सरह हुनेछ र आफूले यसलाई कुनै पनि हालतमा स्विकार गर्न नसक्ने बताएका छन् ।
यसअघि न्यूयोर्कलाई क्वारेन्टिन गर्ने बारे ट्रम्पको प्रस्तावबारे सोधिँदा क्योमोले यसबारे उनको राष्ट्रपतिसँग कुनै पनि कुरा नभएको बताएका थिए ।
