बिहिबार, असोज २२ २०८३ | Thursday 8th October 2026 
कोरोनाभाइरस महाव्याधिले संसार आक्रान्त पारेको बेलामा अमेरिकाका राष्ट्रपति डोनल्ड ट्रम्प चीनमाथि यसको दोष थुपार्न व्यस्त छन् ।
महाव्याधि कसरी शुरू भयो भन्ने कुरा बुझ्नका लागि ट्रम्प केही विज्ञहरूलाई वुहान पठाउने योजना बनाइरहेका छन् ।
ह्वाइट हाउसमा आयोजित नियमित पत्रकार सम्मेलनमा ट्रम्पले भाइरस फैलाएकोमा चीनले त्यसको परिणाम भोग्नुपर्ने चेतावनी दिएका थिए । उनले भने, ‘हामीले चिनियाँ अधिकारीहरूसँग निकै पहिले कुरा गरेका थियौं र अब हामी भित्र जान चाहन्छौं । वुहानमा के भइरहेको छ, हामी हेर्न चाहन्छौं । तर उनीहरू हामीलाई स्वागत गर्न तयार छैनन् ।’
ट्रम्पले थपे, ‘चीनसँग व्यापार सम्झौता हुँदा म निकै खुशी थिएँ तर चीनबाट यो रोग आएपछि चाहिँ चिन्ता लाग्न थालेको छ ।’
वुहानको एक प्रयोगशालाबाट कोरोनाभाइरस जन्मेको हो कि भन्ने विषयमा अमेरिकाले अनुसन्धान गर्न खोजिरहेको छ ।
ट्रम्पले अमेरिकी अनुसन्धानमा जे परिणाम देखिन्छ, त्यसैको आधारमा कारवाही अघि बढाउने बताए ।
