काेराेना लुकेको अमेरिकाकाेे ठुलो दुश्मन हाे : ट्रम्प

अमेरिकी राष्ट्रपति डोनल्ड ट्रम्पले उनको देशले हरेक दिन एक लाख ५० हजारदेखि तीन लाख व्यक्तिको परीक्षण गरिरहेको छ । हालसम्म यहाँका १३ लाख ८५ हजार बढी व्यक्ति संक्रमित छन् ।

यस्तै अर्कोतर्फ अमेरिकामा कोरोनाका कारण ज्यान गुमाउनेको संख्या ८१ हजार पार भएको छ । वर्ल्डोमिटर्सको पछिल्लो आँकडा अनुसार अमेरिकामा कोरोनाका कारण हालसम्म ८१ हजार ७ सय ९५ को मृत्यु भइसकेको छ ।

ट्रम्पले आफ्नो सम्बोधनमा अमेरिकी अर्थव्यवस्था अर्को वर्ष निकै राम्रो स्थितीमा पुग्ने बताएका छन् । उनले भने, ‘अर्को वर्ष सबैभन्दा राम्रो वर्ष प्रमाणित हुनेछ किनभने बजारमा माग अत्यधिक हुनेछ ।’

संसारभरीको अर्थव्यवस्था झैं अमेरिकालाई पनि कोरोनाभाइरसका कारण ठूलै झट्का लागेको छ । संसारभरी सबैभन्दा धेरै मृत्यु अमेरिकामा भएको छ । यस्तै गत हप्ताको आँकडा अनुसार अमेरिकामा कोरोनाभाइरसका कारण ३.३ करोड व्यक्ति बेरोजगार भएका छन् ।

ह्वाइट हाउसका एक कर्मचारी कोरोना पोजेटिभ पाइएपछि ट्रम्पले भने, ‘एक व्यक्ति पोजेटिभ पाइएका छन् । यो अचम्मको कुरा हो कि उनको एक दिन अघिको परीक्षण नेगेटिभ थियो । यो लुकेको दुश्मन हो । लुकेको दुश्मन र हामीले यो कुरा याद राख्नुपर्छ ।’

स्रोतः बीबीसी