शुक्रबार, असोज २३ २०८३ | Friday 9th October 2026 
राजनीति
उपचारका लागि अस्पताल आइपुगेकी एक बालिकामा कोरोना संक्रमण पुष्टि भएपछि त्रिवि शिक्षण अस्पताल (टिचिङ), महाराजगन्जको न्यूरो वार्ड सिल गरिएको छ ।
वार्ड सिल गरेसँगै न्यूरो वार्डमा उपचारमा संलग्न रहेका डाक्टर, नर्स तथा अन्य स्वास्थ्यकर्मीलाई पनि क्वारेन्टाइनमा राख्ने तयारी भएको छ ।
त्रिवि शिक्षण अस्पतालले बिहीबार एक सूचना जारी गर्दै कोरोना संक्रमित बालिकालाई आइसोलेसनमा राखिएको र उनको उपचारमा संलग्न डाक्टर, नर्स लगायतका स्वास्थ्यकर्मीको स्वाबको नमुना लिएर पिसिआर परीक्षण गर्न लागिएको बताएको छ ।
पिसिआर रिपोर्ट नेगेटिभ आएको अवस्थामा पनि बालिकाको सम्पर्कमा आएका सबै चिकित्सक, नर्स तथा अन्य स्वास्थ्यकर्मीलाई १४ दिनको क्वारेन्टाइनमा राखिने अस्पतालले जनाएको छ ।
हेर्नुस् सुचना
