आइतबार, साउन १७ २०८३ | Sunday 2nd August 2026 
आश तमु पोखरा – कोभिड १९ को महामारीको बेला रगत अभाव हुन नदिन पोखरा वार्ड १०/ १५ का युवाहरु सक्रिय भएका छन ।
यसले गर्दा रक्तदान गर्ने युवाहरुको सङ्ख्या पनि बढ्न थालेको छ । केही वर्ष पहिले रगत दान गरे कमजोर भइन्छ, विभिन्न रोग लाग्छ भन्ने गलत धारणा रहेको स्थानीयवासी युवाहरुमामा विस्तारै चेतनाको स्तर उठ्न थालेपछि रगत दान गर्नेको सङ्ख्या बढ्दै गएको हो ।
सामाजिक कार्यमा अग्रसर हुदै आएका युवाहरु अहिले रक्तदान गरी मानविय कार्यमा समेत अघि बढेको छ । पोखरा १५ रेडक्रस सोसाइटीको आयोजनामा शनिवार भएको रक्तदान कार्यक्रममा ५७ पोइन्ट रगत सङ्कलन गरिएको छ । जसमा अधिकाश युवाहरुको सहभागिता रहेको थियो ।
रक्तदान कार्यक्रममा सयोजक पुर्ण गुरुङ ( पट्टु) ले कोभिड १९ को महामारीको बेला रगतको अभाव हुन नदिन आकस्मिक रक्तदान आयोजना गरेको बताए । युवाहरुलाई सामाजिक सँगै मानबिय सेवामा समेत अग्रसर गराउनु पर्छ भन्ने मनसायले गरिएको रक्तदानमा साथीभाइहरुले साथ दिएकोमा सफल भएको भन्दै खुसी व्यक्त गरेका छन ।
यसै गरी गत जेठ ३१ गते बिश्व रक्तदान दिबसको अबसरमा रामबजार युथ क्लव र रेडक्रस सोसाइटी १०को सयुक्त खुल्ला रक्तदान कार्यक्रममा ४३ पोइन्ट रगत संकलन गरिएको थियो । रक्तदाताहरुलाई धन्यवाद दिदै क्लवका अध्यक्ष धन बहादुर पुन र कोषाध्यक्ष हुम बहादुर आलेले आभार व्यक्त गरेका छन ।
