गर्भवती प्रेमीको घाटी रेटी हत्या गर्ने पर्वतका पराजुलीलाई सर्वस्व सहित जन्मकैद सजाय

पर्वत । गर्भवती भएको थाहा भएपछि आफ्नी प्रेमिकाको हत्या गर्ने प्रेमी प्रदिपराज पराजुलीलाई पर्वत जिल्ला अदालतले सर्वस्व सहित जन्मकैदको फैसला गरेको छ ।

पर्वतको बिहादी गाउँपालिका वडा न। २ बर्राचौरका प्रदिपराज पराजुलीलाई पर्वत जिल्ला अदालतले बिहीबार सर्वस्व सहित जन्म कैदको फैसला गरेको हो ।

बागलुङ्कको जैमुनी नगरपालिका वडा नम्वर ८ छिस्तीकी आफनी प्रेमिका २२ वर्षिया कमला शर्मालाई पराजुलीले गला रेटेर हत्या गरी कालीगण्डकीमा फालेका थिए ।

२०७४ साल माघ १७ गते  प्रेमिका शर्मा गर्भवती भएको थाहा भएपछि नदी किनारमा बोलाएर गर्भपतन गर्न दबाब दिएका थिए । उनले लामो समय देखि विवाहको प्रलोभन देखाउँदै प्रेम सम्वन्ध राख्दै आएका थिए ।

तस्वीर : नेपाल समाचारपत्र