बिद्रोही नेपाल कम्युनिस्ट पार्टी पाल्पाका इन्चार्ज पूर्णबहादुर सिंह र मगर मुक्ति मोर्चाका नेता मीनबहादुर आलेलाई बुधबार पाल्पा जिल्ला अदालतले बिना धरौटी रिहा गरेपनि प्रहरीले पुनः पक्राउ गरी गुल्मी लगेको छ ।
पाल्पा जिल्ला अदालतले बुधबार साधारण तारेखमा रिहा गरेपनि प्रहरीले पुनः नेताद्धयलाई गिरफ्तार गरेको हो । मंगलबार रुपन्देही जिल्ला अदालतबाट साधारण धरौटीमा रिहा भएका नेताद्धय सिंह र आलेलाई अदालतबाट रिहा गरेपनि अदालत परिसरभित्रैबाट गिरफ्तार गरेको थियो । पुनः गिरफ्तार गरी पाल्पा लगेको थियो ।
उनीहरुलाई प्रहरीले पार्टी संगठनको कामको सिलसिलामा सामान्य अवस्थामा रहेको बेला मंसिर ४ गते बुटवलबाट पक्राउ गरेको थियो । पक्राउ गरेसँगै नेताद्धयलाई विस्फोट सम्बन्धी कसुरमा प्रहरीले मुद्धा लगाएको थियो ।
उनीहरुको पक्राउसँगै नेकपा केन्द्रीय सदस्य एवं लुम्बिनी ब्युरो इन्चार्ज भीमले नेता सिंह र आलेलाई प्रहरीले लगाएको झुठा मुद्दा खारेज हुनुपर्ने भन्दै उनीहरुलाई तत्काल रिहा नगरे दलाल राज्यसत्ता विरुद्ध सम्झौताहिन संघर्ष गर्ने बताएका थिए ।
नेता सिंह र आलेको गिरफ्तारी गलत भएको भन्दै उहाँलाई तत्काल रिहाइका लागी सर्वत्र माग गरिएको छ ।
