सोमबार, साउन १८ २०८३ | Monday 3rd August 2026 
राजनीति
मोरङको मिक्लाजुङ गाउँपालिकाका शिक्षक राजेन्द्र श्रेष्ठको ह’त्याको आ’रोपमा पक्राउ परेका नेत्रविक्रम चन्द (विप्लव) नेकपाका जिल्ला इञ्चार्ज डिबी सिलवाल (धनबहादुर विक) पुर्पक्षका लागि कारागार चलान भएका छन् ।
३२ वर्षीय विक जिल्ला अदालत मोरङको आदेशपछि पुर्पक्षका लागि का’रागार चलान भएका हुन् ।
शिक्षक मारिएको प्रकरणमा फरार प्रतिवादीको सूचीमा विप्लव नेकपाका महासचिव विप्लव पनि छन् । शिक्षक श्रेष्ठको मारेको आरो’पमा पक्राउ परेका विकलाई न्यायाधीश कपिलमणि गौतमको इजलासले सोमबार थुनामा राख्न आदेश दिएको थियो ।
प्रहरीले माघ ७ गते विकलाई मोरङको बूढीगंगाबाट पक्राउ गरेको थियो । को २४ प ४००५ नम्बरको मोटरसाइकलमा सवार रहेका उनको साथबाट विभिन्न कम्पनीका मोबाइल, एक दर्जन सिमकार्ड बरामद भएको थियो ।
सरकारी वकिलको कार्यालयले उनीविरुद्ध हा’तहतियार खरखजाना, अ’पहरण र क’र्तव्य ज्यान मुद्दा चलाएको थियो । हातहतियार खरखजाना मुद्दामा न्यायाधीश दुर्गा खड्काको इजलासले यसअघि नै उनलाई थुनामा राख्न आदेश दिएको थियो । दोस्रो मुद्दामा पनि थुनामै राख्ने आदेश भएको हो ।
शिक्षक मा’रिएको प्रकरणमा घट’नामा ४२ जनाको संलग्नता रहेको अनुसन्धानबाट खुलेको थियो । तीमध्ये ३५ जनालाई प्रतिवादी बनाएर मुद्दा दर्ता भएको थियो ।
विप्लव नेकपाले सुराकीको आरो’प लगाउँदै घरबाटै नियन्त्रणमा लिएर शिक्षक श्रेष्ठको गत मंसिर २३ गते मा’रेको आरोप सुरक्षा निकायको छ । घ’टना भएकै दिन विप्लव नेकपाका मेची–कोसी ब्यूरो इञ्चार्ज प्रतापले विज्ञप्ति जारी गरेर घ’टनाको जिम्मा लिएका थिए ।
