विप्लवसंग मिलेर जान्छु : प्रचण्ड

नेकपा (माओवादी केन्द्र) का अध्यक्ष पुष्पकमल दाहाल प्रचण्डले विप्लव नेतृत्वको नेकपालाई शास्त्रार्थको चुनौती दिएका छन् । वैज्ञानिक समाजवाद विषयक शास्त्रार्थमा हारेमा विप्लवकै पछि लाग्न तयार भएको बताए ।

शास्त्रार्थका लागि तयार छु, प्रचण्डले आज जनयुद्धका सहिद भरत ढुंगानाको स्मृति ग्रन्थ विमोचन कार्यक्रमा बोल्दै विप्लव नेकपालाई भने, तपाईंहरुले जित्नुभयो भने पछि लाग्न तयार छु । प्रचण्डले शास्त्रार्थमा जित्नेलाई मान्ने गरी सहमतिमा बस्न समेत प्रस्ताव गरे ।

विप्लव नेकपाका नेता अनिल शर्मा विरहीले उक्त कार्यक्रममा शास्त्रार्थको प्रस्ताव गरेपछि प्रचण्डले चुनौतीका साथ तयार रहेको बताएका थिए । जनयुद्धबाट शान्ति प्रक्रियामा आउँदा धेरै उपलब्धि हासिल भएको उनको भनाई थियो ।

जनयुद्धको उपलब्धिलाई ध्वस्त पार्ने प्रयास भएको प्रचण्डको आरोप थियो । उनले अबको युद्ध शान्तिपूर्ण हुने र विप्लव नेतृत्वको नेकपासहित सबै एक ठाउँमा आउने अवस्था बन्ने विश्वास व्यक्त गरे ।