आफ्नै मन्त्रीको राजिनामा माग गर्दै नारायणकाजी श्रेष्ठ

कानुन न्याय तथा संसदीय व्यवस्था मन्त्री शेरबहादुर तामाङले बंगलादेशमा चिकित्सा शिक्षा अध्ययन गर्न जाने नेपाली छात्राहरुबारे दिएको अभिव्यक्तिप्रति सत्तारुढ दल नेकपाका नेताहरुले पनि आपत्ति जनाएका छन् ।

नेपाल कम्युनिस्ट पार्टीका प्रवक्ता नारायणकाजी श्रेष्ठले बंगलादेशमा चिकित्सा शिक्षा अध्ययन गर्ने नेपाली महिला विद्यार्थीबारे कानुनमन्त्री शेरबहादुर तामाङले गरेको टिप्पणीप्रति आपत्ति जनाएका छन् ।

यसैवीच नेकपाका प्रवक्ता नारायणकाजी श्रेष्ठले यस्तो अभिव्यक्तिवापत कानूनमन्त्री तामाङले राजीनामा दिनुपर्ने बताए । श्रेष्ठले भनेका छन् – ‘म कानूनमन्त्रीको राजीनामा माग्छु । अब पार्टीमा यसबारे कुरा उठ्छ ।’ प्रवक्ता श्रेष्ठले आइतबारै ट्विट गरेर मन्त्रीको अभिव्यक्तिप्रति सार्वजनिकरुपमै सरकारको ध्यानाकर्षण गराइसकेका छन् ।