डिएसपीकै अगाडी प्रकाण्डकी बहिनीले भनिन् “बरु ज्यान गए जान्छ तर रातो झन्डा बोक्न छोडिदैन ।”

सरकारले चुनौतीका रुपमा लिएको नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मा ‘प्रकाण्ड’ को घरमा प्रहरीको टोली पुगेको छ । नेकपाको विभिन्न केन्द्रहरु मध्य निकै चर्चामा रहेको कालिकोटको नरहरिनाथ गाँउपालिका–६ माल्कोटस्थित प्रकाण्डको घरमा प्रहरी टोली पुगेको छ । जसको नेतृत्व डिएसपी विनोद शर्माले गरेका थिए ।

कालिकोटको माल्कोटस्थित प्रकान्डको घरमा बहिनी जैपुरा बिक र बुवा पहलबहादुर बिक बस्दै आएका छन् । डिएसपी शर्मासहितको प्रहरी टोलीले प्रकाण्डका बुवा र बहिनीसँग भेटेर कुरा समेत गरेका छन ।

१० वर्षे जनयुद्धमा आफन्त गुमाएका सहिद परिवारहरुले केही नपाएको गुनासो पनि उनले गरिन् । ‘एक दुईजना सांसद बने, मन्त्री बने । हाम्रो न जीवन फेरियो, न अवस्था नै’, ‘भाइ बहिनीको बलिदानीको सम्मानका लागि रातो झण्डा बोकेर हिँड्न बाध्य छौँ । बरु ज्यान गए जान्छ । दुई भाइ र एक बहिनी गुमिगए, बुवा आमाले कहिल्यै सुख पाएनन् । त्यसैले अब झन केहिगरे पनि संघर्ष बाट पछि नहट्ने बताइन ।

साभार अन्नपूर्ण पोस्ट