शुक्रबार, असोज २३ २०८३ | Friday 9th October 2026 
राजनीति
बहुविवादित अमेरिकी सहायता परियोजना एमसीसी संसदबाट अनुमोदन भएको विरोधमा यसअघिदेखि नै आन्दोलित भएका कम्युनिष्ट पार्टी र मोर्चाले भोली शुक्रबार राजधानी काठमाडौमा जनसभामा आयोजना गरेकाछन ।
काठमाडौको खुल्लामञ्चमा आयोजित सभामा आन्दोलित वाम दलका साथै सत्ता गठबन्धनमा रहेका एमसीसीविरोधी नेताहरूले समेत सम्बोधन गर्ने कार्यक्रम रहेको जनाइएको छ ।
सभालाई पूर्वप्रधानमन्त्री एवम एकीकृत समाजवादीका सम्मानित नेता झलनाथ खनाल, माओवादी केन्द्रका वरिष्ठ नेता नारायणकाजी श्रेष्ठ र एमाले नेता भीम रावलले पनि सम्बोधन गर्ने भएका हुन् ।
त्यस्तै हालै सत्ता गठबन्धनबाट बाहिरिएका राष्ट्रिय जनमोर्चाका अध्यक्ष चित्रबहादुर केसी, नेकपाका महासचिव नेत्रविक्रम चन्द ‘विप्लव’, नेकपा (क्रान्तिकारी माओवादी) का महासचिव मोहन वैद्य, आहुतीलगायतका नेताहरू पनि जनसभाका प्रमुख वक्तामा छन्
