बिहिबार, कार्तिक २० २०८३ | Thursday 5th November 2026 
राजनीति
नेपाल कम्युनिस्ट पार्टी (बहुमत)को सहायक संगठन युवा जनस्वयमसेवक नेपालले प्रधानमन्त्री शेरबहादुर देउवालाई ३५ बुँदे मागपत्र पेश गरेको छ ।
राष्ट्र, राष्ट्रियता र जनजीविकासंग सम्बन्धित समस्याहरू लिएर युवा जनस्वयमसेवक नेपाल केन्द्रिय समितिले मागपत्र पेश गरेको हो । देशमा व्याप्त भ्रष्टाचार, कमिसनतन्त्र, मिटर ब्याज आतंक, घुसखोरी, दलाली, महिला हिंसा, जातका आधारमा भएका हिंसा विरुद्धमा मागपत्र पेश गरिएको छ । जनप्रतिनिधिहरूको तलबभत्ता सेवा सुबिधा आतंक विरुद्धमा समेत मागपत्र पेश गरिएको छ । प्रधानमन्त्री देउवा मागपत्रका सम्बन्धमा निकै सकरात्मक देखिनुभएको थियो । प्रधानमन्त्रीले सम्भव भएका मागलाई यथासिघ्र पुरा गर्ने र नीतिगत मागहरुलाई छलफलद्वारा टुंग्याउने प्रतिबद्धता जाहेर समेत गरेकाछन । साथै युवा जनस्वयमसेवक, नेपालले पेश गरेको मिटरब्याजी बिरुद्ध कानुनी कारवाही गर्ने सवालमा प्रधानमन्त्रीले केहीदिन भित्रैमा कारवाही गर्ने प्रतिवद्धता जनाएको जनस्वयमसेवकका अध्यक्ष हरिष भट्टले जानकारी दिएकाछन ।
अध्यक्ष भट्टको नेतृत्वमा गएको उक्त टोलीमा उपाध्यक्ष अभिनास,सचिवालय सदस्य एवं बाग्मती उपत्यका ब्युरो संयोजक बिबेक , सचिवालय सदस्य एवं सुर्खेत ईन्चार्ज बादल सचिवालय सदस्य एवं ललितपुर ईन्चार्ज युकेन्द्र सहितको टोलिले प्रधानमन्त्री शेर बहादुर देउवालाई समसामयिक विषय समेटिएको ३५ बुदे मागपत्र पेश गरेको हो ।
