शुक्रबार, असोज २३ २०८३ | Friday 9th October 2026 
राजनीति
नेकपा एमालेले सचिवालय बैठकले स्थायी सदस्यद्वय स्य शाह र घनश्याम भुसाललाई कारबाही गरेको छ । यस्तै पुर्व सांसद तथा एमाले नेतृ गंगा चाैधरीसहित ६ केन्द्रीय सदस्यलाई पार्टीबाट निस्कासन गरेकाे छ ।
शनिबारको पार्टी सचिवालय बैठकले शाह र भुसाललाई स्थायी कमिटी सदस्य नरहने गरी कारबाही गर्ने निर्णय गरेको हो ।
प्रतिनिधिसभा र प्रदेशसभा निर्वाचनमा पार्टी विरोधी गतिविधिमा संलग्न भएकाले दुई जनालाई कारबाही गरिएको एमाले उपमहासचिव तथा प्रचार विभाग प्रमुख पृथ्वीसुब्बा गुरुङले जानकारी दिए ।
निर्वाचनमा पार्टी विरोधी गतिविधि गरेको भन्दै केन्द्रीय कमिटीका सदस्य उपेन्द्र साह, कुन्दन कुशवाह, रामप्रित राम, बद्री न्यौपाने, रीता साह, गंगा चौधरी र टेकबहादुर बलाम्पाकीलाई केन्द्रीय सदस्य नरहने गरी कारबाही गरेको गुरुङले बताए ।
