बिहिबार, कार्तिक २० २०८३ | Thursday 5th November 2026 
राजनीति
कंचनपुरकी निर्मला पन्त हत्या प्रकरणका आरोपी बम दिदीबहिनीको घरमा हत्या भएको केही दिनपछि खुबै परिवर्तन गराएको विषयले स्थानीयले हत्या त्यही भएको हो की भन्ने आशंका गरेका थिए । निर्मलाको हत्यापछि घरमा रातारात रंग लगाइए, नजिकैको अम्बाको बोट काटिदिएको विषयले स्थानीयले शंकाको विषय बनाएका थिए । तर छानविन समितिले उक्त विषयलाई नकारेको छ ।
पन्त परिवारको छिमेकी बमको घरमा नयाँ रंग लगाइएको भन्ने व्यापक चर्चामा आएको भए पनि घरभित्र गएर हेर्दा त्यस्तो नपाइएको समितिले प्रतिवेदनमा उल्लेख गरिएको छ । यस्तै अम्बाको बोट काटिएको प्रकरणमा ‘अल्लारे केटाहरु चढेर खाने, होहल्ला गर्ने र छोरीहरुले पनि मन नपराउने हुँदा काटेको’ भन्ने व्यहोराको बयान बम दिदीबहिनीका बाबु दीपेन्द्र बहादुरले दिएका छन् ।
साउन १७ मा अम्बाको सो रुख काटेको बताएका छन् । बम दिदिबहिनीका बाबु दीपेन्द्र बहादुर बम शिक्षक र आमा इन्द्रादेवी बम वडासचिव हुन् । उनीहरुको वयन यस्तो छ । बम दिदिबहिनीले एसपी डिल्लीराज बिष्ट र उनका छोरा नचिन्ने बताएका छन् ।
