चिनियाँ अन्तिम राजाको घडी ८२ करोड रूपैयाँमा बिक्यो

चीनका अन्तिम राजा आइसिन गियारो पुई(१९०६-१९६७)ले लगाएको घडी हङकङमा ६२ लाख अमेरिकी डलर (८२ करोड २० लाख नेपाली रूपैयाँ)मा बिक्री भएको छ।

मंगलबार हङकङमा उक्त घडी लिलामीमा राखिएको थियो। हङकङमा बसोबास गर्ने एक एसियाली घडीका शौकिन घडी संकलकले उक्त घडी किनेको बताइएको छ।

लिलामी गर्ने फिलिप्स एसियाका प्रमुख थोमस पेराज्जीले रोयटर्सलाई कुनै समय राजाले पहिरिएको घडी भएका कारण उक्त घडी मूल्यवान भएको बताए।

उक्त घडी जर्मन कम्पनीले ६७ वर्ष पहिले बनाएको थियो। यो घडी पटेक फिलिप कम्पनीले उत्पादन गरेको थियो। कम्पनीले विशेषगरी ८ वटा मात्रै यस्ता घडी उत्पादन गरेको थियो।

फेसबुक प्रतिक्रिया