शनिबार, असोज ३ २०८३ | Saturday 19th September 2026 
राजनीति
काठमाडौं महानगरपालिकाले महानगर भित्र रहेका सबै सहकारीलाई ३० दिनभित्र विवरण पेस गर्न निर्देशन दिएको छ ।
महानगरपालिका को सहकारी विभागले आज एक सूचना जारी गर्दै साधारणसभाको जानकारी, लेखा परिक्षण प्रतिवेदन लगायतका विवरण एक महिनाभित्र पेस गर्न निर्देशन दिएको हो ।
सूचना जारी भएको मितिले ३० दिनभित्र विवरण पेस नगरे महानगरको सहकारी ऎन अनुसार कार्वाही हुने चेतावनी समेत दिइएको छ ।
केही सहकारी संस्थाहरुले साधारणसभा, लेखापरीक्षण प्रतिवेदन लगायतका विवरणहरु समयमा नै पेस गर्ने गरेको नपाइएको हुँदा सूचना जारी गरिएको महानगरले जनाएको छ ।
