भिजिट भिसा प्रकरणमा सहमतिका लागि रास्वपाले राख्यो ५ बुँदे प्रस्ताव

काठमाडौं । राष्ट्रिय स्वतन्त्र पार्टी (रास्वपा) ले भिजिट भिसा प्रकरणमा सहमतिका लागि पाँच बुँदे प्रस्ताव राखेको छ ।

भिजिट भिसा आवरणमा हुँदै आएको मानव तस्करीको छानबिन गर्न उच्चस्तरी छानबिन समिति बनाउनु पर्ने लगायतका मागसहित रास्वापले सत्तारुढ दलहरुसमक्ष उक्त प्रस्ताव राखेको हो ।

अख्तियार दुरुपयोग अनुसन्धान आयोगले त्रिभुवन अन्तर्राष्ट्रिय कार्यालय अध्यागमन विभागमा भैरहेको भ्रष्टाचारजन्य कार्यहरुमा गरिरहेको अनुसन्धानमा हस्तक्षेप नगरी नेपाल सरकारले पूर्ण सहयोग र सहजीकरण गर्नुपर्ने रास्वापले रोखेको प्रस्तावमा उल्लेख गरिएको छ ।

“अख्तियार दुरुपयोग अनुसन्धान आयोगको प्रत्यक्ष संवैधानिक क्षेत्राधिकारमाथि अतिक्रमण नगरी विगत केही वर्षहरूमा भिजिट भिसाको नाममा भएको मानव तस्करी र सांगठनिक अपराधमा सरकारी संयन्त्र, ट्राभल एजेन्सी, म्यानपावर कम्पनी, एयरलाइन्स र नेपाली तथा विदेशी नियोगहरूको संलग्नता भएको आशंका हुँदा यसको व्यापक र बहुआयामिक अनुसन्धान गर्न पाँच दिनभित्र उच्चस्तरीय छानबिन समिति गठन गर्ने जसले तालिकासहित सम्माननीय प्रधानमन्त्रीमार्फत आएको सरकारी प्रतिबद्धताको अनुगमन गर्न सर्वपक्षीय सांसदहरू सम्मिलित Legislative Oversight Group को रूपमा पनि काम गर्ने,’ प्रस्तावमा भनिएको छ।,” लगायतका प्रस्ताव रास्वपाले राखेको ।

त्यस्तै, छानबिन समिति गठन, अनुसन्धान प्रक्रिया र अध्ययन प्रतिवेदन सार्वजनिक गर्दा पारदर्शीताको उच्च मापदण्ड अपनाइने र यस सहमति पत्रको उद्देश्य, देशमा सुशासन, उत्तरदायित्व र न्यायिक प्रक्रिया सुदृढ गर्दै नागरिकको विश्वास पुनःस्थापना गर्नु हुँदा यस्ता संवेदनशील विषयहरूमा राज्यका सबै अंगहरू मिलेर काम गर्ने प्रतिबद्धता जनाउनुपर्ने प्रस्तावमा उल्लेख छ।