शनिबार, असोज ३ २०८३ | Saturday 19th September 2026 
राजनीति
काठमाडौं । राष्ट्रिय स्वतन्त्र पार्टी (रास्वपा) ले भूपदेव शाहलाई महामन्त्रीमा नियुक्त गरेको छ ।
आज बसेको केन्द्रीय समितिको बैठकले शाहलाई महामन्त्री बनाउने निर्णय गरेको रास्वपा प्रवक्ता मनिष झाले जानकारी दिए । शाह यस अघि पार्टीको केन्द्रीय समिति सदस्य थिए ।
शाह बालेन्द्र शाहको कोटाबाट महामन्त्री बनेका हुन् । बालेन्द्र काठमाडौं महानगरपालिकाको मेयर हुँदा भुपदेव प्रमुख स्वकीय सचिव थिए । प्रतिनिधि सभा निर्वाचनमा रास्वपाका लागि अछामबाट निर्वाचन लडेका शाह पराजित भएका थिए ।
