शुक्रबार, कार्तिक २१ २०८३ | Friday 6th November 2026 
चितवन- भरतपुरको एक सारस फुड इन्डष्ट्रिजमा आगलागी भएको छ ।
जिल्ला प्रहरी कार्यालय चितवनले दिएको जानकारीअनुसार महानगरपालिका वडा नम्बर ४ लंकुस्थित सारस फुड इन्डष्ट्रिजमा बिहान ६ बजेतिर आगलागी भएको थियो ।
भरतपुर महानगरपालिकाका– २ खैरहनी नगरपालिका र नेपाली सेनाको एक–एक दमकल, प्रहरी, सशस्त्र प्रहरी, नेपाली सेना र स्थानीयले आगो नियन्त्रणमा लिने प्रयास गरेको प्रहरी प्रमुख नान्तीराज गुरुङले जानकारी दिए ।
बिजुली सर्ट भएर आगलागी हुनसक्ने प्रहरीको अनुमान छ । करीब ४ घण्टाको प्रयासपछि आगो नियन्त्रणमा आएको हो ।
साढे २ करोड बराबरको क्षति अनुमान गरिएको गुरुङले जानकारी दिए । उक्त उद्योगमा १८ जना मजदुरले काम गर्दै आएको बताइएको छ ।
