बिहिबार, कार्तिक २० २०८३ | Thursday 5th November 2026 
राजनीति
काठमाडौं – १० बुँदे मागबारे २० गतेसम्म निर्णय गर्ने नेपाल आयल निगमको प्रतिवद्धता पुरा नभएको भन्दै ग्यास उद्योगीहरुले आन्दोलनको घोषणा गरेका छन् । नेपाल एलपी ग्यास उद्योग संघले चरणवद्ध आन्दोलनका कार्यक्रम सार्वजनिक गरेको हो ।
संघले भोलिदेखि पीडीओ खरिद तथा ग्यास लोडिङ पूर्ण रुपमा बन्द गर्ने, २५ गतेदेखि लोड भएका बुलेटहरु पनि भन्सारबाट नछुटाउने र २८ गतेदेखि देशभरका ग्यास उद्योग बन्द गर्ने बताएको छ ।
चैत ३० गतेबाट ग्यास विक्री वितरण नै बन्द गर्ने एलपी ग्यास उद्योग संघले घोषणा गरेको छ ।
ग्यास उद्योगीहरुको मागबारे अध्ययन गर्न आयल निगमले अध्ययन समिति नै बनाएको थियो । तर, यसबारे कुनै निर्णय नभएकाले आन्दोलन घोषणा गरिएको संघले बताएको छ
