पोखरा चाउथेमा मिक्चर(ट्रक)सङ्ग ठोक्किँदा बेगनासका एक युवाको मृत्यु

पोखरा-पोखराको चाउथेमा गएराति मिक्चर (ट्रक)मा मोटरसाइकल ठोक्किँदा एकको मृत्यु भएको छ । पोखरा–३१ को बेगनासताल बस्ने मोटरसाइकल चालक २५ वर्षीय अजय भट्टराईको मृत्यु भएको जिल्ला प्रहरी कार्यालय कास्कीले जनाएको छ ।

ग १ क २६६६ नं को मिक्चरसँग ग १ प २५८६ नं को मोटरसाइकल ठोक्किँएपछि सो दुर्घटना भएको थियो । गम्भीर अवस्थामा भट्टराइलार्ई पश्मिाञ्चल क्षेत्रीय अस्पतालमा भर्ना गरिएपछि उपचारको क्रममा उनको मृत्यु भएको थियो ।

 

रोनाल्डोको नयाँ कार जसको मुल्यमा एउटा शहर किन्न सकिन्छ

युभेन्ट्सका सुपरस्टार क्रिस्टियानो रोनाल्डोले गत साता विश्वकै सबैभन्दा महँगो गाडी किनेका छन् । रोनाल्डोले विश्वभर एक थान मात्र बनेको बुगाटी ला भोइचर नामक गाडी ९.५ मिलियन पाउण्डमा खरिद गरेका हुन् । फ्रान्सेली कार कम्पनी बुगाटीले आफ्नो कम्पनीको १ सय १० औं वार्षिकोत्सवको अवसरमा उक्त कार निर्माण गरेको थियो । कार जेनेभा मोटर सो २०१९ मा पनि प्रदर्शनीका लागि राखिएको थियो । ८ लिटर टर्बोचार्ज डब्लू–१६ इन्जिन रहेको कार २ सय ६० माइल प्रतिघण्टाको गतिमा कुद्ने क्षमता राख्दछ ।

यसको नेपाली मूल्य १ अर्ब ३८ करोड नेपाली रुपैयाँ पर्न आउँछ । रोनाल्डोले सन् २०२१ मा मात्र उक्त गाडी पाउनेछन् । कारको भित्रि भागमा अन्तिम निर्माण कार्य अझै बाँकी रहेको कम्पनीले जनाएको छ ।

उक्त गाडी यसै वर्षको सुरुवातमा सम्पन्न जेनेभा मोटर शो मा पहिलो पटक प्रदर्शन गरिएको थियो । मूल्यवान कारका सौखिन रोनाल्डोले यसअघि मर्सिडीज सी क्लास स्पोर्ट कुप, रोल्स रोएस फेन्टम, उज्न फेरारी ५९९ जीटीओ, लाम्बोर्जिनी एभेनटेडर एलपी ७००–४, एस्टोन मार्टिन डीबी ९, मेकलरेन एमपी १२ सी र बेन्ट्ले कन्टिनेन्टल जीटीसी स्पीड जस्ता मूल्यवान गाडीहरु खरिद गरेका थिए ।