उत्तरी गोरखामा हिमपात, हिउँ परेपछि बाली नाली सप्रने भन्दै स्थानीय खुसी

कार्तिक १४, /  जिल्लाको हिमाली क्षेत्रमा सोमबार साँझदेखि हिमपात भएको छ । हिउँद लागेपछि पहिलो पटक हिउँ पर्न सुरु भएको स्थानीयवासीले बताएका छन् ।तीन हजार मिटर उचाईभन्दा माथिका अधिकांश ठाउँमा हिउँ परेको उनीहरुले बताए ।  हिमालपारिका सामागाउँ, साम्दो, ल्हो, प्रोक, छेकम्पारका बस्ती सम्मै हिउँ जमेको हो ।

हिउँ परेपछि बाली नाली सप्रने भन्दै स्थानीय खुसी पनि छन् । विगतका वर्षहरुमा भन्दा चाँडो हिउँ पर्न थालेको पनि उनीहरुको भनाइ छ । हिउँ परेका कारण स्थानीय घरबाट बाहिर ननिस्केको ढकालले बताए । जिल्लाको तल्लो पहाडी क्षेत्रमा पनि घाम लागेको छैन भने चिसो बढेको छ ।तस्बिरहरु : बेदप्रकाश ढकाल