दुई प्रहरी डिआईजीको सरुवा

पोखरा-   गृह मन्त्रालयले महानगरीय प्रहरी आयुक्तको कार्यालय, रानीपोखरीका प्रमुखको काज सरुवा गरेको छ ।

एक वर्षे कार्यकाल पूरा भएपछि प्रहरी नायब महानिरीक्षक (डीआईजी) शैलेश थापा क्षेत्रीको सरुवा भएको हो । उनको ठाउँमा हालका प्रहरी प्रवक्ता विश्वराज पोखरेललाई खटाइएको छ ।

बुधबारको गृहमन्त्री स्तरीय निर्णयबाट सरुवा गर्ने निर्णय भएको हो । क्षेत्रीलाई प्रहरी प्रवक्ताको जिम्मेवारी दिइएको छ ।

उनले यसअघि पनि प्रहरी महानिरीक्षकको सचिवालयमा रहेर प्रवक्ताको जिम्मेवारी सम्हालिसकेका छन् ।

केन्द्रीय अनुसन्धान ब्युरो (सीआईबी) र केही प्रदेश प्रहरी प्रमुखको सरुवा गर्ने तयारी गरिएको थियो । तर, गृहले दुई जना डीआईजीको मात्र सरुवा गरेको छ ।