डाक्टरको लापरबाहिका कारण बच्चाको मृत्यु भएको भन्दै पोखराको पश्चिमाञ्चल क्षेत्रिय अस्पतालमा तनाब

गत बिहिबार पश्चिमाञ्चल क्षेत्रिय अस्पतालमा बच्चाको मृत्यु भएको विषयलाई लिएर मृतकका आफन्तहरु भेला भएपछी पोखराको पश्चिमाञ्चल क्षेत्रिय अस्पतालमा तनाब सिर्जना भएको छ ।

डाक्टरको लापरबाहिका कारण  बच्चाको मृत्यु भएको भन्दै  बच्चाका आफ्न्तले अस्पतालमा बिरोध जनाउदै आएका  छन्  ।

गत २२ गते बिहिबार बिहान ८ बजे अस्पतालमा उपचारका क्रममा पोखरा लेखनाथ महानगरपालिका ५ पर्स्याङ निवासी  संगिता परियारको  साढे २ बर्षको छोरा रोहित परियारको  मृत्यु भएको थियो । बालक परियारलाई त्यसको दुई दिन अगाडी मात्र   (चैत २० गते) सामान्य ज्वरो आएपछि आफन्तले  उपचारको लागि  पश्चिमाञ्चल क्षेत्रिय अस्पतालमा  लगेका थिए । उक्त दिन बिहान  ६ बजेको समयमा डाक्टरले बच्चालाई ईन्जेक्सन लगाएकोमा ८ बजे बच्चाको मुत्यु भएको थियो   ।

मृतक बच्चाका आफन्तले गत बिहिबार पनि लापरबाहिका कारण  बच्चाको मृत्यु भएको भन्दै अस्पतालमा नाराबाजी गरेका थिए ।घटनापछि  अस्पताल प्रशासन र पिडित पक्षबिच वार्ता भएपनि कुरा मिलेको छैन  ।