बिधालयको लाखौं रुपैया हिनामिना ! गोरखाका प्रधानाध्यापक विरुद्ध मुद्दा दायर

अख्तियार दुरुपयोग अनुसन्धान आयोगले विद्यालयको बजेट हिनामिना गरेको आरोपमा गोरखाको तत्कालीन सिरानचोक गाविस–१ मा रहेको नेपाने माध्यमिक विद्यालयका प्रधानाध्यापक शिवकुमार साहविरुद्ध आज विशेष अदालतमा आरोपपत्र दायर गरेको छ ।

तत्कालीन जिल्ला शिक्षा कार्यालयबाट पुस्तकालय व्यवस्थापनका लागि ‘फिक्सिङ’ र किताब खरिद शीर्षकमा निकासा भएको रकम हिनामिना गरेको आयोगले आरोप लगाएको छ । निजले झुठा बिल भर्पाइ तथा कागजात बनाई अनुदान शीर्षकको रुकम रु छ लाख ५० हजार हिनामिना गरेको सप्रमाण पुष्टि भएको आयोगका प्रवक्ता प्रदीपकुमार कोइरालालले जानकारी दिनुभयो । निज प्रअ साहविरुद्ध सोही रकम बराबर बिगो माग गर्दै आरोपपत्र दायर गरिएको आयोगले जनाएको छ ।