आइतबार, साउन १७ २०८३ | Sunday 2nd August 2026 
भारतको नयाँ दिल्लीबाट कोची हुँदै तिरुवन्तपुरम गइरहेको एयर इन्डियाको विमान शुक्रबार आँधीमा फसेको छ ।
समाचार एजेन्सीका अनुसार उक्त विमानमा १७२ यात्री सवार थिए ।
आँधीमा फसे पनि यात्रुहरुलाई कुनै नोक्सानी भएन र विमानलाई सुरक्षित ल्याण्ड गराइएको थियो ।
यस घटनाको जाँच एयरलाइन्सको सुरक्षा विभागले गरिरहेको छ ।
विमानले कोचीबाट त्रिवेन्द्रमका लागि उडान भरेपछि बीच बाटोमा आँधीमा फसेको थियो । त्यसपछि ए–३२१ विमानलाई निरीक्षणका लागि तत्कालै ल्याण्ड गरिएको थियो । विमानमा सामान्य क्षति पुगेको छ ।
विमानको आपत्तकालिन ल्याण्डिङ र निरीक्षणका कारण रिटर्न फ्लाइट करीब ४ घण्टा ढिला भएको थियो ।
विमान चट्याङ चपेटामा आएको थियो
एक हप्तामा आकाशमा विमान संकटमा फँसेको यो दोस्रो घटना हो । यसअघि १७ सेप्टेम्बरमा दिल्लीबाट विजयवडाबाट जाने एयर इन्डियाको ए–३२० विमान पनि चट्याङको चपेटमा आएको थियो । सो घटनामा विमानको क्याबिन क्रुका एक सदस्य सामान्य घाइते भएका थिए । विमानका सबै यात्रु भने सुरक्षित थिए ।
