ट्रम्पका नजिकका यि व्याक्तीमा काेराेना पुष्टि भएपछि औषधी खाँए

ह्वाइट हाउसमा दुई व्यक्तिमा कोरोना पोजेटिभ देखिएपछि अमेरिकी राष्ट्रपति डोनल्ड ट्रम्पले हाइड्रोक्लोरोक्विनको सेवन गर्नु ‘उचित’ भएको बताए ।

अमेरिकी राष्ट्रपति ट्रम्पले आफूले मलेरिया र लूपसको औषधी प्रयोग गरिरहेको बताएका थिए । यद्यपि, सर्वाजनिक स्वास्थ्यकर्मीले यसको प्रयोग असुरक्षित हुनसक्ने बताउँदै चेतावनी दिएका छन् ।

मंगलबार क्याबिनेट बैठकमा उनले भने, ‘एक व्यक्ति जो मसँग निकै नजिक छन्, उनी निकै राम्रा व्यक्ति हुन्, उनलाई कोरोनाभाइरसको संक्रमण देखिएको छ ।’

‘म माइक (पेन्स, उप–राष्ट्रपति) सँग धेरै काम गर्छु र उनीसँग निकै नजिक रहने व्यक्तिमा पनि पोजेटिभ देखिएको छ । मलाई लाग्छ कि मेरो हिसाबले यसको सेवन गर्नु यो खराब समय होइन ।’

साथै ट्रम्पले अमेरिकाबाट ब्राजिलको यात्रामा प्रतिबन्ध लगाउनेबारे कुराकानी भइरहेको पुष्टिसमेत गरे । संसारको सबैभन्दा धेरै संक्रमित भएको देशको सूचीमा ब्राजिल तेस्रो स्थानमा छ ।

उनले भने, ‘म चाहन्नँ कि मानिसहरु यहाँ आउन् र हाम्रा जनतालाई संक्रमित गरुन् ।’

‘म चाहन्नँ कि मानिसहरु बिरामी होउन् । हामी भेन्टिलेटर्समार्फत् ब्राजिलको मद्दत गरिरहेका छौं । ब्राजिललाई केही समस्या भइरहेकोछ, त्यसबारे कुनै प्रश्नै उठ्दैन, ’ उनले भने ।