सोमबार, साउन १८ २०८३ | Monday 3rd August 2026 
सत्य कुरा बोल्नलाई,छैन हामीलाई डर !
म कविता लेखिरा’छु,आऊ गिरफ्तार गर !
न अपेक्षा न आशक्ति,न छ कुनै लेना देना !
तिमीसँग हामीलाई, न छ भय न छ भर !
हामी हाम्रो विवेकको आदेशमा चल्नेहरू
तिम्रो खुनी आदेश त्यो मान्नै पर्छ भन्ने छ र ?
कायरले भजन लेख्छ र कविता शाहसीले !
कविता नै कविहरूको चिता,चिहान या घर !
म शब्दका हतियार थुपार्दै छु तिमीनिरै !
वैरी खोज्न गस्ती गर्दै किन पुग्छौ पर पर ?
म कविता लेखिरा’छु आऊ गिरफ्तार गर !
२०७६|०१|०४
सुवर्ण चोक, भक्तपुर
