अमेरिकी वायुसेनाको विमान र टोली दिनहुँ काठमाडौंमा

अमेरिकी वायुसेनाको अर्को टोली हिजो काठमाडौं आइपुगेको छ ।

कल साइन सिएटीए १०१ को डिप्लोम्याटिक उडानका लागि आएको भनिएको विमानमा क्रु मेम्बरसहित पाँच जना हिजो राति साढे ७ बजे आइपुगेका हुन् ।

ब्ल्याक फिलिप्सिसहित पाँच जनाको टोली नयाँ दिल्ली हुँदै आएको हो ।

वायुसेनाको १९ सदस्यीय एउटा टोली अस्ति राति काठमाडौं आइपुगेको थियो । ती सैनिक बोकेको कल साइन आरसिएच २७० विमान बंगलादेशको राजधानी ढाका हुँदै यता आएको हो ।

डिप्लोम्याटिक फ्लाइट भनिएको उक्त विमान पनि राति पौने ११ बजे त्रिभुवन अन्तर्राष्ट्रिय विमानस्थलमा अवतरण गरेको थियो । मेजर बाट्स नाथनल र जुनियर क्याप्टेन क्लार्क विलियम जीको चालक दलका सदस्यसहित टोली काठमाडौं आएको हो । आकस्मिक उक्त आगमनको उद्देश्य पनि खुलाइएको छैन ।