जेजनी आन्दोलनमा भएका आगजनी र लुटपाटका फोटा/भिडियो उपलब्ध गराउन प्रहरीको अनुरोध

काठमाडौं । जेनजी आन्दोलनका क्रममा भएका तोडफोड, लुटपाट, आगजनीका फोटा, भिडिओहरु उपलब्ध गराउन प्रहरीले अनुरोध गरेको छ ।

शुक्रबार एक सूचना गर्दै प्रहरी प्रधान कार्यालयले आन्दोलनका क्रममा भएका अप्रिय घटनासम्बन्धी सूचना तथा तस्बिर र भिडिओहरु पठाउनेको नाम गोप्य राखिने बताएको छ ।

जेनजी आन्दोलन उग्र बन्दा अहिलेसम्म ५१ जनाको ज्यान गएको बताइएको छ । आन्दोलनका क्रममा सिंहदरबार, सर्वोच्च अदालतदेखि जिल्ला अदालतहरु, राष्ट्रपति कार्यालय नेताहरुका घर, मार्टहरुमा तोडफोड र आगजनी भएको थियो ।

प्रहरीका कार्यालय जलाउनुका साथै हतियार, बर्दी पनि लुटपाट भएको थियो ।