शुक्रबार, कार्तिक २८ २०८३ | Friday 13th November 2026 
राजनीति
नेत्रबिक्रम चन्द ‘विप्लव’ नेतृत्वको नेपाल कम्युनिस्ट पार्टीले कालिकोटमा भएको आगलागीको घटनाप्रति दुःख व्यक्त गर्दै पीडितलाई सहयोग गर्न आफ्ना कार्यकर्ताहरुलाई निर्देशन दिएको छ ।
पार्टीका महासचिव नेत्रविक्रम चन्द ‘विप्लव’ ले मङ्गलबार एक विज्ञप्ति जारी गर्दै भनेका छन्,‘कालिकोटका सम्पूर्ण पार्टी नेता÷कार्यकर्तालाई अग्निपीडित जनतालाई सहयोग र राहत आपूर्ति गर्न यसै विज्ञप्तिमार्फत निर्देशन गरिन्छ ।’
गत सोमबार कालीकोटको पातला गाउँपालिका १, खाडागाउँमा आगलागी हुँदा ८७ घर जलेर ध्वस्त भएका थिए । घटनामा सात जना घाइते हुनुका साथै २ सय ८५ जना विस्थापित भएका छन् । विप्लवले यो दुःखद् घडीमा कालीकोटका अग्निपीडित जनतासँग आफूहरु साथमा रहेको पनि बताएका छन् ।
