बुटवलमा क्रान्तिकारीको बिशाल प्रदर्सन

नेत्र बिक्रम चन्द ‘विप्लव’ नेतृत्वको नेपाल कम्युनिष्ट पार्टी निकट विद्यार्थी संगठन अखिल (क्रान्तिकारी) लुम्बिनी समन्वय समितिले १२६ औं माओ दिवसको अवसर पारेर विशाल विद्यार्थी सभा सम्पन्न गरेको छ ।
बुटवलको राजमार्ग चौराहादेखि ट्राफिक चोकसम्मको -याली ट्राफिकचोकमा आएर सभामा परिणत भएको थियो । लुम्बिनी अञ्चलका रुपन्देही, कपिलवस्तु, नवलपरासी, नवलपुर, गुल्मी, पाल्पा, अर्घाखाँची लगायतका जिल्लाहरुबाट विद्यार्थीहरु उपस्थित रहेको सो सभामा निर्मला पन्तको हत्यारालाई कारबाही गर्न समेत माग गरिएको थियो । कार्यक्रमका प्रमुख अतिथि नेकपाका केन्द्रिय सदस्य भेषराज भुसालले चिन लाइ माओले जापानी साम्राज्यवाद बाट मुक्त गरेको स्मरण गर्दै युवा बिद्यार्थीले माओको सोच र शैलीलाइ हृदयगम गर्नु पर्ने धारणा राखेका छन ।

दुई हजारको संख्यामा विद्यार्थीहरु उपस्थित उक्त कार्यक्रममा अखिल नेपाल जनसांस्कृतिक महासंघ अन्तर्गत रहेको क्षितिज परिवारले विभिन्न सांस्कृतिक कार्यक्रमहरु प्रस्तुत गरेको थियो । कार्यक्रमको अध्यक्षता अखिल (क्रान्तिकारी)का नेता तथा लुम्बिनी समन्वय समितिका संयोजक विरेन्द्र विकले गरेका थिए भने संचालन रमेश गैरे र स्वागत रुपा बुढाले गरेकी थिइन । लुम्बिनीको जिम्मेवारी बिरेन्द्र बिकले पाए सगै क्रान्तिकारीको गतिविधिले तिब्रता पाएको छ ।