श्रेष्ठको निधन प्रती महासचिव बैध द्धारा दुख व्यक्त

नेपाल कम्युनिष्ट पार्टी (क्रान्तिकारी माओवादी) का महासचिव मोहन वैद्य (किरण)ले नेपालको कम्युनिष्ट आन्दोलनका अग्रज नेता कृष्णदास श्रेष्ठको निधनमा गहिरो दुःख व्यक्त गरेका छन् ।

सो पार्टीले आज प्रकाशित एक विज्ञप्तिमा महासचिव वैद्यले स्व श्रेष्ठ माक्र्सवादी दर्शनका व्याख्याता, विचारक, लेखक तथा अनुवादकका रुपमा अतुलनीय योगदान रहेको बताउँदै उनको निधनले स्तब्ध तुल्याएको उल्लेख गरेका छन् ।

पार्टीका सल्लाहकारसमेत रहेका उनको निधनले नेपालको जनवादी तथा कम्युनिष्ट आन्दोलनमा गम्भीर क्षति हुन पुगेको बताउँदै वैद्यले भनेका छन् – हाम्रो पार्टी उनीप्रति भावपूर्ण श्रद्धाञ्जलि अर्पण गर्दछ ।

उनी मानव मुक्तिको महान् तथा उच्च लक्ष्यमा सम्पूर्ण जीवनको समर्पण गर्नु नै जीवनको सार्थकता रहेको कुरालाई आत्मसात् गरी कम्युनिष्ट आदर्श र सर्वहारा वर्गका पक्षमा उभिएका स्व. श्रेष्ठ क्रान्तिकारी कम्युनिष्ट र वर्ग सङ्घर्षका पक्षमा लाग्ने मानिसका निम्ति एक आदर्श व्यक्तित्व भएका वैद्यले विज्ञप्तिमा उल्लेख गरेका छन् ।

नेपालको कम्युनिष्ट आन्दोलनका अग्रज नेता कृष्णदास श्रेष्ठको ८७ वर्षको उमेरमा आज दिउँसो १ बजेर ४० मिनट जाँदा आफ्नै निवास शङ्खमूलमा निधन भएको थियो ।